A nosa iniciativa...
Dende a Sección de Cangas da EOI de Vigo
queremos levar a cabo unha iniciativa solidaria a favor da Protectora de
Animais do Morrazo.
Por que colaborar?
Moitos de nós xa
colaboramos a nivel individual con esta asociación, que sen pedir nada a cambio
dá abeiro e protección a centos de cans abandonados. E aínda que calquera axuda supón un gran
alivio para eles, non é suficiente en proporción ás súas necesidades.
Por iso queremos
animar a todas as persoas a que nos botedes unha man nesta iniciativa coa que pretendemos reunir penso
para poder dar alimento ós centos de cans que a protectora acobexa. Que todos eles
poidan comer a diario é todo un reto...
Como podo colaborar?
A partir do próximo luns 25 de novembro poderedes atopar unha caixa na entrada do instituto para que as persoas que desexemos colaborar depositemos unha bolsa de penso pechada (na cantidade que cada un poida). Cada día recolleremos o penso que se doe durante a xornada, por razóns de salubridade no centro. Ó remate desta campaña, entregaremos directamente á protectora o penso que entre todos consigamos reunir.
A partir do próximo luns 25 de novembro poderedes atopar unha caixa na entrada do instituto para que as persoas que desexemos colaborar depositemos unha bolsa de penso pechada (na cantidade que cada un poida). Cada día recolleremos o penso que se doe durante a xornada, por razóns de salubridade no centro. Ó remate desta campaña, entregaremos directamente á protectora o penso que entre todos consigamos reunir.
MOITAS GRAZAS POLA VOSA
COLABORACIÓN!
