RENUNCIA Á MATRÍCULA

Aquí tedes a normativa sobre renuncia de matrícula:

O alumnado oficial poderá solicitar ao centro a renuncia de matrícula ata un mes antes do remate do curso correspondente, isto implica a perda do dereito á realización dos exames.

A renuncia por primeira vez non computará para os efectos de permanencia no curso e nivel correspondentes; as renuncias posteriores si se terán en conta para estes efectos.

O alumnado que renuncia e desexe retomar os estudos en anos posteriores deberá someterse ao proceso de preinscrición (non ten reserva de praza)

A renuncia non dá dereito á devolución de taxas

Para solicitar a renuncia debe encher o impreso de renuncia e presentalo na secretaría do centro ou ben por correo electrónico.
A renuncia constará no expediente académico e nas actas de avaliación do alumnado.

Podedes baixar o impreso de renuncia na páxina web de Escola, no apartado "Xestións Administrativas"

EXAMES DE CERTIFICACIÓN, MATRÍCULA LIBRES

As datas de exame de certificación xa están na web de Vigo.

O prazo de matrícula para libres tamén está especificado na web: do 3 ao 23 de marzo. Alumnos CALC, recordade que tedes que tedes que matricularvos neste período.

A MELLOR LECTORA DA EOI

Fixémoslle un regalo a Pilar Sobreira, alumna de B1 de inglés, a mellor lectora da EOI. Cada semana pasa pola nosa biblio a recoller un libro COMO MÍNIMO. Queremos felicitar a Pilar, animala para que siga así e lembrarvos que a lectura é probablemente a mellor maneira de adquirir vocabulario nun idioma estranxeiro. Esperamos seguir véndote na biblio, Pilar, e a todos vós!