Un ano máis, o profesorado da sección de Cangas da EOI de Vigo queremos agradecervos de corazón a vosa implicación na VIII edición do noso xa tradicional Pub Quiz de Nadal. Grazas á vosa participación, motivación e entusiasmo, esta actividade está a se converter no mellor xeito de dar a benvida ó Nadal curso tras curso.
O noso agradecemento máis especial vai dirixido a Fernando Graña, director do Hotel Airiños, que ano tras ano nos brinda un inmellorable apoio e un trato impecable, e a José Antonio Collazo López, anglofalante nativo, que sempre nos regala o seu entusiasmo e ameniza o quiz do mellor xeito posible. Graciñas!
Igualmente especial é o noso agradecemento a Bernardo Alonso Álvarez, alumno da sección de Cangas e estupendo animador francófono do pub quiz.
Este ano, ademáis, contamos coa actuación estelar dos Mechanical Rattlesnake en rigoroso directo. Bravo!
Mechanical Rattlesnake
Mechanical Rattlesnake, presentando en exclusiva o seu tema propio "They Won't".
Mechanical Rattlesnake, versionando o célebre tema "American Woman".
Bravo!
Estas foron algunhas das preguntas que os participantes responderon durante o quiz:
E velaquí os campións desta edición: "The Dream Team": Alondra Montoya, Gabriel Villar, Ana Gil, Enrique Paredes, Cintia Costa, Antonio Franco, Raquel Graña, Susana Costa e Martín Otero. Parabéns!
Os membros do equipo gañador recibiron como agasallo da escola un precioso caderno feito a man polas artesás de Iroma Artesanía, que un novo ano nos sorprenderon coa súa grande creatividade e bo facer.
Non nos queda máis que reiterar o noso sincero agradecemento a todas as persoas que facedes posible o noso tradicional Pub Quiz de Nadal. De parte de todo o profesorado da sección de Cangas da EOI de Vigo...